Granatimet ruse të rajonit jugor të Ukrainës Kherson gjatë natës vranë të paktën një person dhe plagosën gjashtë, përfshirë dy fëmijë, tha të hënën guvernatori rajonal.
Oleksandr Prokudin tha në Telegram forcat ruse kishin nisur 71 sulme në 24 orët e fundit, “që synonin zonat e banuara”, si dhe dyqanet dhe infrastrukturën mjekësore, ndër objektet e tjera.
Njëzet nga sulmet ajrore dhe tokësore kishin në shënjestër qytetin e Khersonit, qarku administrativ i rajonit, shtoi guvernatori, ndërsa autoritetet shuan menjëherë një zjarr të shkaktuar nga bombardimet herët të hënën.
Reuters nuk mundi të verifikonte në mënyrë të pavarur raportin. Nuk kishte asnjë koment të menjëhershëm nga Rusia.
Kievi i dëboi forcat ruse nga një pjesë e rajonit Kherson nëntorin e kaluar pas disa muaj pushtimi, por trupat ruse kanë vazhduar të bombardojnë kryeqytetin rajonal dhe zonat përreth tij nga përtej lumit Dnipro.
