Deputeti i Partisë Demokratike të Kosovës, Mergim Lushtaku, ia ka vendosur një fotografi të madhe të presidentit Hashim Thaçi, kryeparlamentares Vjosa Osmanit, sot në seancën e Kuvendit.
Lushtaku u zgjua nga karriga e deputetit dhe vendosi fotografinë gjatë kohës sa Osmani po fliste, raporton Gazeta Sinjali.
Këtë moment Osmani e kaloi me heshtje.
Vjosa Osmani me të marrë detyrën e kryeparlamentares ka zhvendosur nga zyra fotografinë e presidenit Thaçi duke e zëvendësuar me atë të presidentit Ibrahim Rugova. Me këtë nuk janë pajtuar deputetët e PDK-së. /Gazeta Sinjali/
