image Ngritet aktakuzë ndaj pronarit të kompanisë "Zhitija Turist" që kërcënoi me jetë gazetarin

Drejtësi

Ngritet aktakuzë ndaj pronarit të kompanisë “Zhitija Turist” që kërcënoi me jetë gazetarin

news image

Prokuroria Themelore në Prishtinë ka ngritur aktakuzë ndaj pronarit të Kompanisë “Zhitija Turist”, Gazmend Zhitija, raporton Gazeta Sinjali.

Në aktakuzën e siguruar nga Gazeta Sinjali thuhet se Zhitija më 10 janar të këtij viti, rreth orës 17:32, përmes telefonit seriozisht e ka kanosur me jetë gazetarin e Gazetës Infokus, për publikimin e videos ku shihen mërgimtarët duke e shtyrë autobusin e kësaj kompanie, në kufirin ndërmjet Sllovenisë dhe Kroacisë.

“Ju nuk guxoni me u marr me kompaninë time, fshine atë shkrim, fshine atë video, përndryshe, kam me ku kallë me çka keni. Edhe kush merret me kompaninë teme, e kalli krejt. Ju e keni adresën aty (do të thotë në portal) dhe kam me ju gjetë”, thuhet të ketë thënë Zhitija, duke ngjallur te gazetari ndjenjën e ankthit dhe të pasigurisë për jetën.

Me këtë rast, Prokuroria ka kërkuar nga gjykata që të caktojë masën e paraburgimit ndaj pronarit të kësaj kompanie.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata./GazetaSinjali/