Në javën që po lëmë pas ndodhën një mori ngjarjesh. Gazeta Sinjali ju sjell një përmbledhje të shkurtër të disa prej ngjarjeve më të rëndësishme.

Në mbrëmjen e 28 marsit, në Kosovë arritën dozat e para të vaksinës kundër koronavirusit. Bëhet fjalë për 24.000 doza të vaksinës së prodhuar nga AstraZeneca, të cilat Kosova i ka pranuar nga programi COVAX i Organizatës Botërore të Shëndetësisë. Fushata e vaksinimit do të nisë javën e ardhshme dhe fillimisht do të vaksinohen punëtorët e Klinikës Infektive të Qendrës Klinike Universitare.

Më 22 mars, me 67 vota për dhe 30 kundër, u zgjodh qeveria e re e udhëhequr nga Albin Kurti. Ekzekutivi i ri ka 15 minsitri dhe tre zëvendëskryeministra.

Një telash tjetër në rrugën për t’u bërë presidente u ka dalë Vjosa Osmanit, si dhe partisë që e kandidoi për këtë pozitë, Lëvizjes Vetëvendosje. Këtë javë, është përfolur se mund të mbahet seanca për votimin e Osmanit presidente.

Kryeministri Albin Kurti, gjatë kësaj jave i ka kërkuar AKP-së t’i pezullojë vendimet për privatizim, shitje e qiradhënie.

 Një tjetër ngjarje ka ndodhur me shqiptaro-amerikanët.

Gjatë javës që po lëmë pas, ata i kërkuan presidentit të SHBA-së Joe Biden, ta zhvendosë Gjykatën Speciale në Kosovë.

 Po ashtu, këtë javë u raportua se ndaj ministrit të Qeverisë Kurti, Liburn Aliu, është ngritur aktakuzë më herët. Një gjë të tillë ai e ka mohuar, duke thënë se zyrtarisht, nuk ka marrë asnjë aktakuzë.

Në Serbi, gjatë kësaj jave, u vaksinuan edhe punëtorë shqiptarë kundër COVID-19.

Punëtorë nga Shqipëria kanë shfrytëzuar mundësinë e vaksinimit kundër koronavirusit në Serbi. Të shtunën aty ka nisur vaksinimi i punëtorëve nga të gjitha shtetet e rajonit, mundësuar nga Odat Ekonomike.

Këtë javë, patëm edhe lajme të këqija.

Vdiq humoristi i njohur Rasim Thaçi – Cima, dhe aktori Luran Ahmeti. Të dy vdiqën nga COVID-19. /Gazeta Sinjali/