Ngjarjet e datës 4 mars.
Fillon rigjykimi lidhur me sulmin e dyshuar në ndërtesën e Kuvendit të Kosovës. (Gjykata Themelore në Prishtinë, ora 09:00)
Presidenti Hashim Thaçi merr pjesë në takimin “Rruga drejt Komisionit për të Vërtetën dhe Pajtimin në Kosovë”. (Hoteli “Swiss Diamond”, ora 10:00)
Komisioni për Buxhet dhe Transfere shqyrton kërkesën e Fondit të Kursimeve Pensionale të Kosovës për miratimin e taksave vjetore për vitin 2020. (Kuvendi i Kosovës, salla C203, ora 10:00)
Komisioni për Legjislacion, Mandate dhe Imunitete mban mbledhje. (Kuvendi i Kosovës, salla N10, ora 10:00)
Mbahet punëtori me përfaqësuesit e komuniteteve rom, ashkali dhe egjiptian dhe Shoqërisë Civile. (Zyrët e “VoRAE” në Graçanicë. Ora 10:00)
Mbahet tryeza e diskutimit “Potenciali tregtar Kosovë – Shqipëri: barrierat tregtare dhe zbatimi i marrëveshjeve bilaterale”. (Hotel “Swiss Diamond”, ora 10:30)
Komisioni për të Drejtat e Njeriut shpall konkursin për zgjedhjen e Avokatit të Popullit. (Kuvendi i Kosovës, salla N302, ora 11:00)
Komisioni për Punë të Jashtme dhe Diasporë diskuton lidhur me planin e punës për vitin 2020. (Kuvendi i Kosovës, salla N303, ora 11:00)
Partia Socialdemokrate (PSD) zhvillon aksion simbolik para Administratës Tatimore të Kosovës. (Ora 11:00)
Bëhet vënia e gurëthemelit të projektit “Ndërtimi i sistemit të Ujësjellësit për zonën e Mbivadës”. (Burimi në Istog, ora 12:00)
Baleti Kombëtar i Kosovës mban konferencë me rastin e premierës së parë për vitin 2020. (Ora 13:00)
Hapet ekspozita personale e piktores Argenita Fetahu, “Përtej”. (Galeria e Ministrisë së Kulturës, ora 19:00).
