image Nënshkruhet memorandum bashkëpunimi për mbarëvajtjen e zgjedhjeve

Politikë

Nënshkruhet memorandum bashkëpunimi për mbarëvajtjen e zgjedhjeve

news image

Me qëllim të ngritjes së nivelit të bashkëpunimit për procesin zgjedhor, gjashtë institucione që kanë rol kyç në mbarëvajtjen e zgjedhjeve kanë nënshkruar sot memorandum bashkëpunimi, transmeton Gazeta Sinjali.

KQZ-ja, Policia e Kosovës, Këshilli Gjyqësor i Kosovës, Kryeprokurori i Shtetit, PZAP dhe KPM-ja u zotuan se do të angazhohen që gjatë procesit zgjedhor të ketë sa më pak shkelje dhe vepra penale.

Drejtoresha e D4D, Rrezarta Krasniqi tha se kanë iniciuar këtë memorandum me qëllim të përmirësimit të procesit zgjedhor.

Kurse, kryetarja e KQZ-së, Valdete Daka tha se kjo marrëveshje është tregues i qartë i angazhimit të të gjitha institucioneve që proceset zgjedhore të jenë në përputhje me ligjin.

Nga KGJK-ja, Skender Çoçaj, u shpreh se ky bashkëpunim do të krijojë kushtet që mbarëvajtja e zgjedhjeve të jetë sa më e mirë.

Ndërsa, Laura Pula nga Prokuroria e Shtetit tha se bashkëpunimi ndërinstitucional jep rezultatet e veta.

Ndërkaq, drejtori i Policisë se Kosovës, Rashit Qalaj u shpreh se bashkë mund të arrijnë më shumë në parandalimin e shkeljeve zgjedhore, por edhe ndjekjen e shpejtë të atyre që bëjnë shkelje të tilla.

Gjithashtu, fjalë të mira për këtë memorandum bashkëpunimi shprehu Gyltene Sylejmani nga PZAP dhe Luan Latifi nga KPM-ja. /Gazeta Sinjali/