Në vitin 2030 (pas 10 viteve) besimtarët myslimanë do të agjërojnë dy herë gjatë një viti. Njëri muaj i Ramazanit në këtë vit do të fillojë më 6 janar dhe tjetri më 26 dhjetor të po këtij viti.

Kalendari hënor është i ndryshëm nga ai diellor, kjo është arsyeja pse kjo nuk duhet të jetë surprizë, besojnë ekspertët.

Kalendari për vitin 2030 në faqen e internetit timeanddate.com deklaron se Ramazani do të fillojë më 6 janar, pas së cilit myslimanët në mbarë botën do të festojnë Fitër Bajramin, më 5 shkurt. Deri në fund të këtij viti, Ramzani do të fillojë përsëri më 26 Dhjetor.

Hasan Ahmed Al Hariri, Drejtori i Përgjithshëm i Astronomy Group Dubai, tha për Gulf Neës se  agjërimi i dy Ramazanëve në një vit nuk duhet të konsiderohet si një fenomen i pazakonshëm, pasi muaji hënor fillon 10 ditë më parë çdo vit.

Kujtojmë se këtë vit, muaji i shenjtë i Ramazanit ka filluar më 24 prill dhe do të përfundojë më 23 maj, ndërsa 24 maj është dita e parë e Bajramit (festë e myslimanëve)./GazetaSinjali/