Spitali i Gjilanit javën e ardhshme do të bëhet me rezervuar të oksigjenit të lëngshëm, përcjellë Gazeta Sinjali.
Kështu kanë bërë të ditur nga SHSKUK-ja përmes një komunikate për media.
Njoftimi i plotë:
Javën e ardhshme do të vendoset një rezervuar me oksigjen të lëngshëm, me një kapacitet prej 10 mijë litrash, për t’i dhënë fund problemeve me furnizim.
Ushtruesi i detyrës së drejtorit të përgjithshëm të SHSKUK-së, Valbon Krasniqi, i ka shpalosur hollësitë e projektit gjatë vizitës në Njësinë COVID të Spitalit të Gjilanit, para personelit shëndetësor, të cilët i falënderoi për punën dhe angazhimin e jashtëzakonshëm, në ofrimin e shërbimeve mjekësore për pacientët e prekur me virusin SARS-CoV-2
Menaxhmenti i SHSKUK-së, sipas planifikimeve të bëra, thuhet së shpejti do të vendosë rezervuare me oksigjen të lëngshëm edhe në spitalet tjera të përgjithshme.
