Joe Biden, president i Shteteve të Bashkuara të Amerikës, ka thënë të shtunën se ende nuk e ka vendosur nëse do ta vizitojë Arabinë Saudite.
Deklarata e njëshit në Shtëpinë e Bardhë vjen pasi një grup ligjvënësit dhe grupe të të drejtave të njeriut po e kundërshtojnë këtë vizitë zyrtare, raporton Al Jazeera.
Arabia Saudite është aleate e SHBA-ve, por vetë Uashingtoni shpesh e ka kritikuar Riadin zyrtar për shkelje të të drejtave të njeriut, sidomos ndaj grave.
Javën e kaluar, Biden e kishte hapur mundësinë që ta vizitojë Arabinë Saudite.
