Kandidati për kryeministër nga Lëvizja Vetëvendosje, Albin Kurti, pas një tubimi me bashkatdhetarë në Berlin të Gjermanisë ka folur për simbolet shtetërore të cilat është shprehur se i respekton.

“Nëse në Ballkan jemi të ndarë nëpër shtete. Mërgata jonë është e bashkuar dhe ne këtë edhe e duam dhe e respektojmë. Himni tjetër është pa tekst s’e këndon dot. Mendoj që mirë është kështu siç është në këtë organizmin”, është shprehur Kurti duke folur për intonimin e vetëm himnit kombëtar.

“I respektoj simbolet e institucionet në Kosovë dhe flamurin e himnin e Kosovës do t’i respektoj nesër-pasnesër si kryeministër”, ka thënë Kurti.

Kujtojmë se në të kaluarën Kurti kishte thënë se simbolet e Kosovës, VV nuk i përdorë në zyrat dhe shtëpitë e tyre. “Jemi të bindur se flamuri kuq e zi na ka sjellë deri këtu “, ishte shprehur ai.