image Ndryshojnë rregullat për të fituar nështetësinë shqiptare

Rajon

Ndryshojnë rregullat për të fituar nështetësinë shqiptare

news image

Qeveria shqiptare së fundmi ka propozuar një projektligj për mënyrën se si mund të fitohet shtetësia shqiptare. Ky projektligj ka zgjeruar mundësitë e përfitimit të shtetësisë me dy pika të tjera.

Në një intervistë të dhënë për mediet, zëvendësministrja e Brendshme, Rovena Voda ka shpjeguar se cilat janë këto dy pika.

Kemi shtuar origjinën dhe lindjen në territorin shqiptar. Me origjine kuptojmë që individi duhet të ketë paralindësit e tij deri në tre shkallë me origjinë shqiptare”, tha Voda.

Tashmë, fëmijët që lindin jashtë Shqipërisë, por që të dy prindërit i kanë me shtetësi shqiptare, e fitojnë automatikisht këtë të fundit.

“Fëmijët e kanë më të lehtë të fitojnë shtetësinë, nëse të dy prindërit i kanë me shtetësi shqiptare”, tha ajo.

Risia në këtë projektligj është që Shqipëria do të jap shtetësi shqiptare edhe për investitorët e huaj, të cilët kundrejt një shumë që pritet të jetë e lartë, por që ende nuk është përcaktuar, do mund të marrin pasaportë shqiptare.

Sipas zëvendësministres, kjo do të bëhet për qëllime ekonomike të Shqipërisë, duke shmangur dyshimet që mund të lidhen me aktivitete të jashtëligjshme të atyre që do të marrin shtetësinë shqiptare.

Do jemi të kujdesshëm. Do të bëjmë kontrollin e investimit dhe do të ruajmë standardet, në mënyrë që të mos kemi dyshime për pastrime parash”, tha Voda.