Robert Ibertsberger, do të jetë pjesë e stafit të Franco Fodës te Kombëtarja e Kosovës, duke qenë në pozitën e ndihmëstrajnerit.
Ibertsberger ka dhënë një intervistë për laola1.at ku ka thënë se Kosova ka shumë lojtarë interesant dhe me shumë potencial.
“Dardanët” do të përballen me Armeninë dhe Hungarinë në dy ndeshje miqësore në muajin mars.
Në vjeshtë, Kosova në Ligën C të Ligës së Kombeve do të përballet me Rumaninë, Qipron dhe Gjibraltarin ose Lituaninë.
“Franco Foda dhe unë jemi në të njëjtën agjenci konsulente, kështu jemi bashkuar. Por ka edhe një lidhje tjetër, kemi luajtur bashkë në Sturm Graz. Ne patëm biseda të mira dhe Franco ishte në gjendje të kishte një ide të mirë për mua. Jemi në një gjatësi vale të ngjashme”, u shpreh Ibertsberger.
Ibertsberger tregoi se edhe pse ka vendosur që të marrë këtë pozitë.
“Së pari, është hera ime e parë jashtë vendit si trajner. Së dyti, të kujdesemi për një ekip kombëtar. Nëse e shikoni më nga afër ekipin, është jashtëzakonisht emocionues për sa i përket lojtarëve individualë – ka lojtarë shumë interesantë, shumë të mirë. Tani është koha për të marrë një ide për lojtarët dhe për të gjetur një përzierje të mirë në mënyrë që skuadra të punojë në fushë. Cilësia është padyshim aty”, deklaroi ai.
Ibertsberger theksoi se synimi me Dardanët është kualifikimi në Kampionatin Botëror.
“Ekipi dëshiron të ndërmarrë hapin tjetër, të ngjitet në një grup në Ligën e Kombeve dhe të ketë fjalën në kualifikimin e Kupës së Botës, ndoshta të arrijë në play-off. Mundësia është padyshim atje. Siç thashë, ne kemi lojtarë të mirë individualë. Ndoshta dikush tjetër do të na bashkohet, ka shumë lojtarë që mund të zgjedhin mes dy vendeve. Ndoshta ne mund t’i bëjmë ata të vijnë në anën tonë”.
Kosova është një komb mjaft i ri, gjërat në Ballkan janë shpesh shumë emocionale. Çfarë ju pret atje?
“Pikërisht kështu (qesh). Nëse mund të ndezim diçka, ajo bëhet vërtet pozitive dhe emocionale. Por sigurisht që mund të shkojë edhe në anën tjetër. Potenciali është aty, tani na takon ne trajnerëve dhe lojtarëve të ndezim euforinë”, përfundoi Ibertsberger.
