image Ndërpritet gjendja emergjente në Deçan - Sinjali

Ndërpritet gjendja emergjente në Deçan

news image

Pasi që gjendja në komunën e Deçanit ka filluar që të normalizohet, sot në mbledhjen e Shtabit për Menaxhimin e Emergjencave u mor vendim për ndërprerjen e gjendjes emergjente në këtë komunë, raporton Gazeta Sinjali.

Kështu ka njoftuar kryetari i Deçanit, Bashkim Ramosaj, i cili shprehu falënderim dhe mirënjohje të gjithë atyre që kontribuuan në tejkalimin e kësaj gjendjeje.

“Shpresoj dhe uroj të mos përballemi me situata të tilla”, shkroi ndër të tjera ai në Facebook.

Vendimi për shpalljen e gjendjes emergjente në këtë komunë u mor më 13 korrik të këtij viti, kur më shumë se 1 mijë e 500 banorë të gjashtë fshatrave u helmuan, sipas dyshimeve të para, nga uji i pijes./Gazeta Sinjali/


Shpërndaje artikullin