Komuna e Pejës përmes një postimi në faqen zyrtare në Facebook ka bërë me dije se ka ndaluar frekuentimin e të gjitha parqeve, bazuar në vendimin e Qeverisë së Kosovës, si masë për luftimin e pandemisë globale COVID-19.

Komuna ka bërë thirrje që të mos niset askush për në Grykën e Rugovës, as në ecje në këmbë e as me automjete, sepse do të kthehen prapa nga Policia e Kosovës, përveç nëse e vërtetojnë se janë banorë autokton.

“Bazuar në vendimin e Qeverisë së Kosovës si masë për luftimin e COVID-19 janë ndaluar frekuentimet në të gjitha parqet. Ju bëjmë thirrje qëmos të niseni për grykën e Rugovës as në ecje në këmbë e as me automjete sepse Policia e Kosovës ju kthen mbrapa! Vetëm banorët autokton të Rugovës të cilët e vërtetojnë që janë banorë mund të kalojnë”, njofton komuna./GazetaSinjali/