image Myftiu i Kosovës, Naim Tërnava, reagon për zhvillimet në Jerusalem

Sociale

Myftiu i Kosovës, Naim Tërnava, reagon për zhvillimet në Jerusalem

news image

Kreu i Bashkësisë Islame të Kosovës, Naim Tërnava, ka folur për situatën në Jerusalem, mes Izraelit dhe Palestinës, raporton Gazeta Sinjali.

Sipas Tërnaves, eskalimi i konfliktit nga i cili u morën jetë të njerëzve të pafajshëm palestinezë nga radhët e civilëve në fund të muajit të madhëruar të Ramazanit dhe në prag të festës së Fitër Bajramit dëmton përpjekjet për marrëveshje mes dy popujve.

Ai  thotë se Jerusalemi është vendi i të gjitha feve e besimeve monoteiste, e si i tillë duhet të jetë edhe vend i bashkëjetesës e mirëkuptimit.

Njoftimi i plotë:

Me shqetësim kam përcjell eskalimin e situatës në Jerusalem që filloi me dëbimin e dhunshëm të palestinezëve nga shtëpitë e tyre në Sheik Jarrah, për të vazhduar me atakimin dhe përdhosjen e institucionit të xhamisë së shenjtë Al- Aksa.

Shpreh brengën time të thellë dhe të besimtarëve myslimanë për dhunën e ushtruar ndaj banorëve palestinezë, në Jerusalem dhe në territoret palestineze.

Eskalimi i konfliktit nga i cili u morën jetë të njerëzve të pafajshëm nga radhët e civilëve në fund të muajit të madhëruar të Ramazanit dhe në prag të festës së Fitër Bajramit dëmton përpjekjet për marrëveshje mes dy popujve.

Jerusalemi është vendi i të gjitha feve e besimeve monoteiste, e si i tillë duhet të jetë edhe vend i bashkëjetesës e mirëkuptimit.

Lutemi që sa më parë Jerusalemi, Al-Aksa dhe objektet tjera të kultit të gjejnë qetësinë, ndërsa banorët e Jerusalemit të gjejnë paqen e sigurinë.

Myftiu i Kosovës Naim ef. Tërnava./Gazeta Sinjali/