Kuvendi Komunal i Preshevës sot (e diel) ka mbajtur një seancë të jashtëzakonshme, e cila ngjalli reagimi të shumta dhe kritika për mënyrën e thirrjes së kësaj seance dhe mbajtjen e saj.
Ish-kryetarja e Preshevës, Ardita Sinani tha se për herë të parë në historinë e Kuvendit Komunal në Preshevë, është mbajtur seancë e jashtëzakonshme për zgjatje të jetës politike të Shqiprim Arifit, derisa këtë të fundit e akuzoi për bashkëpunim me Beogradin.
Ndaj mbajtjes së kësaj seance ka reaguar edhe Ragmi Mustafi nga Këshilli Kombëtar Shqiptar në Luginën e Preshevës.
Mustafi e ka akuzuar Arifin për pazare me Vuçiqin duke e quajtur patericë të presidentit serb dhe kryediplomatit Ivica Daçiq.
“Turpi i së dielës. Pazari i së shtunës. Pushtet i shantazhit. Paterica të Vuçiqit e Daçiqit. Gërdia e Preshevës”, ka shkruar Mustafi, derisa ka shpërndarë një fotografi nga mbledhja e sotme.
