Kryetari i Lidhjes Demokratike të Kosovës, Isa Mustafa, ka shprehur shqetësim për gjendjen shëndetësore të kryeministrit britanik, Boris Johnson, i cili po trajtohet në intesiv.

“E përjetojmë me shqetësim gjendjen shëndetësore të mikut tanë, Kryeministrit të Mbretërisë së Bashkuar, Boris Johnson, të prekur nga Covid -19”, ka shkruar Mustafa në Facebook.

I pari i LDK-së, uroi shërim të shpejtë për kryeministrin britanik, për të cilin tha se ka nevojë bota.

“Uroj që sa më shpejtë të shërohet dhe të vazhdojë ta drejtojë vendin e tij dhe vendin mik të Kosovës. Bota ka nevojë për njerëz të tillë karizmatik, me plotë energji pozitive dhe forcë”, shkroi ai.

Johnson u dërgua në spital ku po trajtohet me terapi intesive, dhjetë ditë pasi rezultoi pozitiv në testin për koronavirus./Gazeta Sinjali/