Ndalimi i shitjeve do të garantojë një sasi të madhe parash nga kompania finlandeze Nokia.

Nokia mund të ketë ‘dështuar’ t’i bëjë konkurrencë rivalëve të tij të teknologjisë celulare, por reputacioni i saj si një pionier po e përhumb tani Mercedes-Benz.

Daimler, pronari i Mercedes, ka humbur një mosmarrëveshje për patentën kundër kompanisë finlandeze në një gjykatë gjermane këtë javë.

Siç është raportuar nga Automotive News, gjyqtarët në Mannheim, Gjermani, favorizuan Nokian në një vendim gjykate për luftën ndaj teknologjisë celulare në makina.

Mercedes thuhet se ka shkelur patentat e teknologjisë celulare të Nokia-s.

Nokia ka fituar para nga licensimi i patentave mbi teknologjinë celulare, duke arritur në mbi një miliard euro në vit.

Mercedes-Benz është një nga ata prodhuesit e automjeteve që vendos levën në këtë teknologji, dhe kjo mund të shihet edhe në kabinën e Mercedes S-Class të ardhshëm.

“Ne nuk mund ta kuptojmë aktgjykimin e gjykatës së Mannheim dhe do të apelojmë”, tha Daimler në një deklaratë të dërguar me e-mail për Automotive News.

Ndërsa, Nokia është këmbëngulëse për të drejtat e saj mbi teknologjinë celulare në vetura dhe ishte e kënaqur me vendimin e fundit të gjykatës.

Me këtë vendim gjykate, Nokia mund të ndalojë Daimler të shiste makina Mercedes në Gjermani. Sidoqoftë, kjo lëvizje do të kërkonte që Nokia të tregonte kolateral prej 7 miliardë eurosh (8.3 miliardë dollarë).  /Gazeta Sinjali/