image MPJD reagon pas sulmit me gurë të autobusit në Serbi

Politikë

MPJD reagon pas sulmit me gurë të autobusit në Serbi

news image

Pas sulmit me gurë ndaj autobusit në Serbi që po udhëtonte nga Peja për në Dortmund , ka reaguar zëvendësministrja e Punëve të Jashtme dhe e Diasporës së Kosovës, Liza Gashi duke e akuzuar presidentin serb Aleksandar Vuçiq si nxitës i dhunës ndaj shqiptarëve.

“Dje, një autobus i mbushur me mërgimtarë që udhëtonte nga Kosova për në Gjermani është sulmuar me gurë teksa kalonte nëpër Serbi. Fatmirësisht, askush nuk është lënduar. Megjithatë, ne jemi shumë të shqetësuar nga sulmi dhe dënojmë motivet pas këtij agresioni”, thuhet në reagimin e Gashit.

Ajo shton se Kosova është kundër çdo kërcënimi më bazë etnike.

“Republika e Kosovës është kundër çdo kërcënimi me bazë etnike ndaj qytetarëve dhe mërgatës së saj. Është e qartë se regjimi i [Aleksandar] Vuçiqit dhe nxitja e tij për agresion ndaj shqiptarëve të Kosovës është ende në funksion me pasoja potencialisht të mëdha”, përfundon ajo.

Ky sulm kishte ndodhur gjatë të shtunës mbrëma, derisa mërgimtarët nga Kosova po kalonin nëpër Serbi për të shkuar në Gjermani.

/GazetaSinjali/