Sot në Zubin Potok në majën Shijak i Bubës, u tmerruan alpinistët e “Kosovo Mountain Club” nga disa të shtëna. Sinjali ka siguruar momentin kur u dëgjuan të shtënat.
Presidentja e Kosovës Vjosa Osmani e ka dënuar këtë veprim dhe ka kërkuar urgjentisht nga organet kompetente të nisin hetimet.
Po ashtu, edhe Donika Kadaj Bujupi e cila ka qenë pjesë e këtij organizimi, tha për Gazetën Sinjali se ishin cak i sulmit të armatosur nga bandat kriminale atje.
“Fatmirësisht nuk pati viktima. U detyruam të kthehemi për sot dhe ngjitjen e vazhduam në majën tjetër në Shalë të Bajgorës”, rrëfeu ajo për Gazetën Sinjali.
Edhe ministri i Punëve të Brendshme ka kërkuar të ndërmerren veprimet e duhura lidhur me këtë rast.
Megjithatë Policia e Kosovës sot mohoi se gjuajtjet me armë zjarri në veri ishin në drejtim të alpinistëve.
