COVID-19

Të infektuar

140

Të sheruar

23

Të vdekur

1

Vendim/ Mitrovica merr masa parandaluese ndaj koronavirusit

news image

Komuna e Mitrovicës ka mbajtur mbledhjen e radhës të Bordit të Drejtorëve, ku janë diskutuar rekomandimet e marra nga Qeveria e Kosovës, lidhur me masat parandaluese rreth koronavirusit.

Në mbledhje u mor vendim që të mirren këto masa:

1. Gjatë vikendit do të dezinfektohen detajisht të gjitha hapësirat e ndërtesave të Komunës së Mitrovicës, duke përfshirë këtu edhe institucionet shëndetësore dhe ato arsimore.

2. Punëtoret e sporteleve të Komunës së Mitrovicës do të pajisen me maska mbrojtëse, dorëza dhe dezinfektues.

3. Ndalimi i veprimtarisë së klubeve restoranteve, klubeve të natës , palestrave, pishinave pas orës 23:00.

4. Të gjitha ndërmarrjet publike dhe kompanitë privatë që kryejnë transport publik të udhëtarëve, duhet të bëjnë dezinfektim të rregullt të mjeteve transportuese.

5. Inspektim i vazhdueshëm i subjekteve afariste, në rast të ngritjes së çmimeve do të gjobiten.

6. Lirimin nga vendi i punës të njërit prind për përkujdesje të fëmijëve.

Ndryshe, Kosova është ndër vendet e vetme në Evropë që nuk është prekur nga virusi vdekjeprurës korona, megjithatë qeveria ka marrë masa parandaluese në mbledhjen e mbrëmshme. Një nga vendimet është anulimi i procesit mësimor në të gjitha institucionet shkollore në vend deri më datën 27 mars 2020./GazetaSinjali/


Shpërndaje artikullin