“Temps Présenta”, emisioni televiziv zviceran ka shpaluar komplotin për eliminim e ish-senatorit zviceran përmes riprodhimit të bisedës së një agjenti sekret i cili ia kishte dhënë informacionin autoriteteve zvicerane.
Mediumi ka publikuar bisedat mes agjentit sekret “Sony” dhe K-së, i cili është personi që donte ta vriste Dick Martyn.
Sipas të njëjtit burim, faji më pas do i takonte Hashim Thaçit, sepse të gjithë do të dyshonin se ai e kreu vrasjen.
Në dhjetor 2020, agjenti i fshehtë i “Temps Présenta”, telefonon Sony-n që takon K*-në, një anëtar i botës së krimit serb. Falë dokumenteve dhe dëshmive të pabotuara, “Temps Presenta” ishte në gjendje të rindërtonte bisedën e tyre.
Biseda:
K : “Mirë që është arrestuar Hashim Thaçi. Por nuk jam i sigurt se do të dënohet (…) po e mbrojnë amerikanët. Kosovarët kanë probleme për shkak të Dick Marty-it. Nëse ai vritet, të gjithë do të besoni se goditja erdhi nga Thaçi dhe gjykata nuk do të mund ta lirojë më atë”.
Sony: “Nuk është e lehtë të vrasësh një politikan në Zvicër”
K : “Jo, është lojë fëmijësh, armët i kam sjellë tashmë në Zvicër. Atentati do të bëhet së shpejti”.
