image Ministria e Faton Pecit ndan 80 mijë euro për pije për "nevojat" e MBPZHR-së - Sinjali

Ministria e Faton Pecit ndan 80 mijë euro për pije për “nevojat” e MBPZHR-së

news image

Ndonëse drekat zyrtare dhe vizitat jashtë vendit kanë qenë shpenzimet për të cilat janë kritikuar në vazhdimësi qeveritë dhe zyrtarët shtetërorë, për të cilat gjithnjë akuzoheshin se po keqpërdoren paratë publike.

Mirëpo, një pazar interesant ka nisur ta procedojë Ministria e Bujqësisë, e udhëhequr nga Faton Peci.

Pijet për “nevojat” e kësaj ministrie, buxhetit të Shtetit pritet t’i kushtojë rreth 80 mijë euro.

Në njoftimin për kontratë është paraparë që operatori ekonomik të sjellë 10 artikuj të pijeve të ndryshme për nevojat e Ministrisë.

Operatori ekonomik do të merr parasysh çmimet më të favorshme ekonomike, por se në total janë paraparë shpenzimi i 80 mijë eurove.

Ministria e Bujqësisë ka paraparë edhe afatet kohore për procedim të këtij tenderi. Afati i fundit për pranim të tenderëve apo aplikacioneve është 30 korriku./Gazeta Sinjali/



Shpërndaje artikullin