Forcat ruse kanë vrarë më shumë civilë ukrainas sesa ushtarë në dy javët e fillimit të pushtimit të këtij vendi, ka bërë të ditur ministri ukrainas i Mbrojtjes, Oleksii Reznikov.
“Dua që të gjithë ta kuptojnë në botë, jo vetëm në Kiev”, tha ndër tjera ministri ukrainas.
Këto komente Reznikov i bëri pasi forcat ruse kanë zgjeruar agresionin në Ukrainë – duke kryer sulme mbi qytetet e mëdha.
Madje sot është raportuar se ushtria ruse ka filluar sulmet në pjesën perëndimore të Ukrainës, duke pasur për objektiv aeroportet.
