image Ministrat ukrainas i ankohen Bidenit për 'udhëtimin e mundimshëm deri në Poloni' - Sinjali

Ministrat ukrainas i ankohen Bidenit për ‘udhëtimin e mundimshëm deri në Poloni’

news image

Presidenti i ShBA-së, Joe Biden është takuar me zyrtarë të lartë ukrainas në Varshavë në ditën e fundit të udhëtimit të tij në Evropë.

Në një hotel në kryeqytetin polak, Biden shkoi në një takim midis Ministrit të Jashtëm Dmytro Kuleba dhe Ministrit të Mbrojtjes Oleksii Reznikov dhe homologëve të tyre amerikanë, Sekretarit të Shtetit Antony Blinken dhe Sekretarit të Mbrojtjes Lloyd Austin, shkruan CNN.

Gjatë disa momenteve sa ishin të pranishëm gazetarët, grupi foli pak për udhëtimin e mundimshëm që bënë ministrat nga Ukraina në Poloni, i cili përfshinte një udhëtim me tren dhe tre orë me makinë.

“Është si të fluturosh nga Kievi në Uashington me një fluturim lidhës në Stamboll,” tha Kuleba.

“E mira është se që nga fillimi i luftës kam mësuar të fle në çdo kusht. Kështu që kam fjetur në tren, kam fjetur në makinë,” vazhdoi ai.

Biden tha se edhe ai kishte përvojë në udhëtimet hekurudhore.

“Ju po shikoni një njeri që ka udhëtuar mbi një milion e 200,000 milje me një tren“, tha Biden.

“Kështu që mësuat si të flini,” u përgjigj një nga ministrat.

“Kam mësuar se si të fle,” tha Biden. “Unë madje mësova se si të bëhesha mik me një përcjellësin e trenit, kështu që ata i mbanin njerëzit larg. Nuk duhej të shqetësoheshe për këtë.”

Gazetarëve iu tha që të largoheshin nga dhoma përpara se çdo pyetje thelbësore në lidhje me luftën në Ukrainë të mund të merrte përgjigje.

/GazetaSinjali/


Shpërndaje artikullin