Zvicra ka miratuar javën e kaluar ligjin për ndalimin e mbulimit të plotë të fytyrës nga gratë myslimane.

Aktivisti dhe milioneri francezo-algjerian, Rachid Nekkaz, ka thënë se dëshiron të paguajë të gjitha dënimet e grave që veshin nikab në Zvicër, por jo edhe burka.

Ai ka filluar ta bëjë këtë, madje edhe para se të hyjë ligji në fuqi në të gjithë Zvicrën. Deri më tani, sipas deklaratës së tij, tashmë ka paguar gjoba në kantonin Ticino dhe St. Gallen.

“Unë jam i përkushtuar në mbrojtjen e lirisë së fesë dhe veshjes. Unë e bëj këtë për ata që duan të veshin nikab lirshëm në Evropë, si dhe për ata që nuk duan të veshin vello në botën myslimane, për shembull në Sudan dhe Iran”, tha ai për blick.ch.

Sidoqoftë, milioneri i referohet vetëm nikabit – jo burkës. Veshja me nikab do të thotë vello ku shihen sytë gjersa burka është mbulim i plotë i fytyrës.

Sipërmarrësi është kritik ndaj atyre që mbulohen tërësisht, madje duke thënë se kurrë nuk do të paguante një gjobë për personat që veshin burka. Ai i sheh burkat si një simbol të shtypjes së grave.

Ndryshe, në Ticino, një gjobë për veshjen e nikabit dënohesh mbi nëntë mijë euro. /Gazeta Sinjali/