Milani ka shënjestruar futbollistin e Serie A si objekt transferimi në verë.
Sipas ‘La Gazzetta dello Sport’, Milani së shpejti do të takohet me Sassuolo-n për të diskutuar për Domenico Berardin, por ‘kuqezinjtë’ po konsiderojnë vetëm një ofertë huazimi për italianin, transmeton Sinjali Sport.
Ylli i Sassuolos ka arritur tashmë shifra të dyfishta për gola dhe asistime këtë sezon dhe është kandidati i preferuar i Stefano Piolit për t’u bërë krahu i ri i djathtë i Milanit në verë. Sipas ‘La Gazzetta dello Sport’, drejtorët e Milanit dhe Sassuolo do të takohen së shpejti për të diskutuar 28-vjeçarin dhe shokun e tij të skuadrës Gianluca Scamacca.
Sassuolo e vlerëson Berardin në 30 milionë euro, por ‘kuqezinjtë’ nuk janë të gatshëm të ofrojnë aq shumë për një lojtar që do të kishin vështirësi ta shesin sërish në të ardhmen për shkak të moshës së tij. Për këtë arsye, ata mund të bëjnë një ofertë huazimi me një opsion ose detyrim për të blerë.
Strategjia e ‘kuqezinjve’ sugjeron që negociatat midis dy klubeve mund të zgjasin aq sa verën e kaluar kur Sassuolo dërgoi Manuel Locatelli në Juventus me një formulë të ngjashme: huazim me detyrim për të blerë.
Berardi nuk është objektivi i vetëm për kuqezinjtë pasi Noa Lang, Charles De Keetaere dhe Marco Asensio janë gjithashtu në radarët e tyre. Yacine Adli do t’i bashkohet Milanit pas huazimit të tij te Girondins Bordeaux. Ylli francez ka shënuar një gol dhe ka dhënë tetë asistime në 31 paraqitje në Ligue 1 këtë sezon.
