Milani ka marrë një lajm pozitiv para sfidës ndaj Genoas.
Ismael Bennacer duket ka kapërcyer një tendosje muskulore dhe ai është rikthyer sot në stërvitjen e skuadrës, transmeton Sinjali Sport.
Mesfushori 24-vjeçar algjerian u detyrua të humbasë barazimin 0-0 të Milanit me Torinon në fundjavë për shkak të lëndimit, duke e lënë atë jashtë fushës pasi ‘kuqezinjtë’ bënë një rrëshqitje në garën për titull.
Siç u njoftua nga Milani, Bennacer stërviti me shokët e tij të skuadrës në Milanello sot dhe ai do të jetë i disponueshëm për ndeshjen e ardhshme të Milanit në Serie A kundër Genoas të premten.
Ante Rebic dhe Samu Castillejo gjithashtu u stërvitën me skuadrën, duke sugjeruar që të dy lojtarët do të jenë të disponueshëm për ndeshjen e së premtes, por ishte një histori tjetër për Alessio Romagnoli dhe Zlatan Ibrahimovic, të cilët mbetën jashtë fushës.
24-vjeçari Bennacer, i cili ka kontratë me Milanin deri në vitin 2024, ka bërë 34 paraqitje në të gjitha garat deri më tani këtë sezon, për një total prej 1837 minutash. Në atë kohë, ai ka shënuar dy gola dhe ka dhënë një asistim, duke bërë vetëm 14 starte në Serie A.
