Milani ka hyrë në garë për transferimin e Gonçalo Ramosit, sipas raportimit të “Gazzetta dello Sport”.
Sipas raportit, klubi i Serie A është serioz për të përforcuar repartin e sulmit këtë verë, me Ramosin që është identifikuar si objektiv prioritar, teksa “Rossonerët” synojnë të afrojë një sulmues të profilit “numër 9”.
Milani pritet të përballet me konkurrencë të fortë nga disa klube evropiane, përfshirë Juventusin, Newcastle United dhe Manchester United, të cilat po e monitorojnë gjithashtu situatën e sulmuesit portugez.
Klubi italian raportohet se po përgatit një ofertë zyrtare për Paris Saint-Germainin përpara Kupës së Botës 2026, me synimin për të vepruar shpejt në tregun e transferimeve.
Ramos ka zhvilluar 44 paraqitje këtë sezon, duke shënuar 12 gola dhe duke dhënë një asistim.
I përdorur shpesh si opsion rotacioni nën drejtimin e Luis Enrique, sulmuesi portugez thuhet se është i hapur për një sfidë të re në karrierën e tij.
Sinjali – aty ku e vërteta flet para lajmit!
