Vidal është grumbulluar për ndeshjen e La Liga-s, Todibo jo.

Lista e trajnerit Valverde për Espanyol-Barcelona është një indikacion i qartë merkatoje, se cilat janë qëllimet e Blaugrana-ve.

Nëse refuzimi për kilianin është i qartë, duhet të bëhet një llogari tjetër për mbrojtësin francez. Dje, menjëherë pasi mori pjesë në konferencën për shtyp të prezantimit të Zlatan Ibrahimoviç, Frederic Massara fluturoi drejt kryeqytetit katalanas për të gjetur një marrëveshje me Todibo dhe Barcelonën një herë e përgjithmonë.

Sipas asaj që raportoi “La Gazzetta dello Sport”, samiti midis palëve do të zhvillohet sot, rreth drekës. Qëllimi i menaxherit të Milanit është ta bindë lojtarin, që ende tregon njëfarë rezistence. Nga ana e tij, klubi milanez do të donte huazimin 6-mujor, me të drejtë blerjeje përfundimtare të lojtarit të datëlindjes 1999.

Kjo do të jetë nyja kryesore, që duhet të zgjidhet mes palëve. Vetë Barcelona do të preferonte të mbante kontrollin mbi kartonin e Todibo, aq sa e bleu atë nga Toulouse.

Kujtojmë se një klauzolë përfundimi prej 150 milionë eurosh është përfshirë në kontratën e tij. Massara do të ketë për detyrë të tejkalojë rezistencën e fundit nga klubi katalanas dhe futbollisti, mbase duke imituar suksesin “blitz” të Paolo Maldini gjatë verës, që rrëmbeu një tjetër transalpin, Theo Hernandez. Orët e ardhshme do të jenë vendimtare për të kuptuar nëse do të ketë “tym të bardhë” apo jo.