Një grua ruse që drejton një shkollë gjuhësore në Mbretërinë e Bashkuar thotë se do të ofrojë mësime falas të anglishtes për refugjatët ukrainas që mbërrijnë në vend.
“Këta njerëz nuk do të njohin askënd, por nëse mund t’i bëj të ndihen rehat dhe të qetësohen, kjo është mirë“, thotë Tatiana Salvage, e cila ka dhënë mësim rusisht në Winchester për dy vitet e fundit, shkruan BBC.
“Të mësosh gjuhën dhe kulturën e vendit ku do të jetoni është shumë e rëndësishme”, shton ajo.
Tatiana, e cila ka qenë mësuese e gjuhës për më shumë se 10 vjet, thotë se ka marrë “interesim të madh” nga grupet e refugjatëve në Winchester dhe në qytetin e afërt të Basingstoke.
“Unë mendoj se mësimi i një grupi prej 10 vetash do të ishte mirë, por kjo varet nga kërkesa“, thotë ajo.
