Mesazhet telefonike që arritën në telefonat e dhjetëra mijëra amerikanëve këtë javë i kanë habitur shumë ata.

Këto porosi ishin nisur në ditën e Shën Valentinit, më 14 shkurt, por çuditërisht arritën tetë muaj më vonë.

Ky problem u paraqit në shumicën e kompanive kryesore telefonike në Shtetet e Bashkuara dhe nga ky defekt preku telefonat e prodhuesve “Apple” dhe “Samsung”.

Kështu, mijëra klientë të kompanive telefonike “T-Mobile”, “AT&T”, “Sprint” dhe “Verizon” publikuan shkrime në Twitter për ta shfaqur pakënaqësinë e tyre për pranimin e këtyre mesazheve.

Disa u ankuan se ish të dashurve u kanë shkuar në telefon porosi të çuditshme, ndërsa të tjerët filluan të dridheshin pasi pranuan mesazhe në emër të personave që tashmë kanë vdekur.

“Sapo e mora një mesazh nga telefoni i shoqes më të mirë. Problemi i vetëm është se ajo ka vdekur në shkurt”, shkroi një person në Twitter.

Disa njerëz të tjerë thanë se kanë marrë mesazhe që janë shkruar para dy vjetësh. E për këtë lëshim ka kërkuar falje kompania “Syniverse”, e cila ofron shërbime për kompanitë e mëdha telefonike.

Zyrtarët e saj thanë se nga ky defekt janë prekur rreth 168 mijë klientë dhe njoftuan se problem është zgjidhur, shkruan “BBC”./Gazeta Sinjali/