Mercedes-Benz ka ftuar pronarët e më shumë se 292,000 veturave në ShBA që të ndalojnë drejtimin e tyre për shkak të një problemi që mund të shkaktojë dështimin e frenave.
Prodhuesi gjerman i automobilave po i tërheq automjetet dhe thotë se do të ofrojë tërheqje falas në mënyrë që pronarët t’i dërgojnë ato në një përfaqësi për shërbim. Tërheqja mbulon disa automjete ML, GL dhe R-Class nga viti 2006 deri në vitin 2012, raporton Associated Press.
Mercedes njoftoi të enjten nëpërmjet Administratës Kombëtare të Sigurisë së Trafikut në Autostrada, se lagështia mund të futet në një strehë përforcuese të frenave dhe të shkaktojë korrozion. Kjo mund të shkaktojë një rrjedhje vakumi, e cila do ta ulte performancën e frenimit.
“Në raste të rralla, frenimi i fortë mund të shkaktojë dëmtim mekanik në përforcues dhe mund të mos jetë e mundur të ndalohen automjetet me pedale të frenave”, thuhet në njoftimin e Mercedesit.
