Dëmtimi i trurit ndodh para se të vini re edhe ndryshimin që lidhet me humbjen e dëgjimit, sugjeron një studim i fundit.

Dëshmi të rëndësishme në vitet e fundit sugjerojnë një lidhje të qartë midis humbjes së dëgjimit dhe rënies së aftësive njohëse. Por tani studiuesit kanë paralajmëruar që edhe fazat më të hershme të shurdhërisë, kur akoma mund të dëgjoni pëshpëritje, gjithashtu mund të dëmtojnë funksionin e trurit. Kur përpiqeni të dëgjoni, tashmë është një shenjë se truri po vepron ndryshe. Njerëzit e shurdhër gjithashtu kanë tendencë të izolohen, duke bërë që truri i tyre të jetë më pak i stimuluar

Shkaku i demencës mbetet i panjohur, por ka dëshmi në rritje që kujtesa fshihet nga truri në njëfarë mënyre. Mësimi i gjërave të reja, si dhe bashkëveprimi shoqëror, krijojnë rezerva njohëse dhe për këtë arsye rezistojnë ndaj dëmtimit të trurit.Studiuesit nga Universiteti Columbia ekzaminuan 6.450 të rritur, mosha mesatare e të cilëve ishte 60- vjeç. Pjesëmarrësit u testuan për funksionin dëgjimor dhe aftësive njohëse.

Shkencëtarët kanë zbuluar se në çdo 10 decibel ka një rënie të konsiderueshme të aftësisë njohëse. Ulja më e madhe e aftësisë njohëse ishte tek ata, dëgjimi i të cilëve sapo kishte filluar të dobësohej. Studimi nuk adresoi nëse humbja e dëgjimit shkakton drejtpërdrejt dëmtime në aftësitë kognitive. Mund të jetë që dëmtimi i dëgjimit dhe performanca njohëse janë të lidhura me procese të zakonshme që lidhen me plakjen, thanë studiuesit. Por shkencëtarët thonë se është e mundur që kur një person ka humbje dëgjimi, ata pastaj tërhiqen nga aktivitetet shoqërore.

“Mjekët në këtë fushë kanë përdorur 25 decibel, në një vëllim pëshpëritje, për të përcaktuar kufirin midis dëgjimit normal dhe humbjes së butë të dëgjimit te të rriturit, por ky nivel është arbitrar. Supozohet se dëmtimi njohës nuk do të fillojë derisa personi të ketë kaluar këtë prag,” tha Justin Golub, një otolaringolog në Universitetin e Kolumbisë.

Humbja e dëgjimit nuk është beninje. Ajo është e lidhur me izolimin shoqëror, depresionin, rënien kognitive dhe demencën. Humbja e dëgjimit duhet të trajtohet sa më shpejt të jetë e mundur.

Parandalimi ose trajtimi i humbjes së dëgjimit mund të zvogëlojë incidencën e demencës, thonë ekspertët, sipas të cilëve aparati i dëgjimit është opsioni i vetëm tani për tani. /Gazeta Sinjali/