Mes dhimbjes dhe lotëve, mijëra qytetarë nga Krusha e Madhe, Kosova e diaspora ia dhanë lamtumirën e fundit sot 18-vjeçares, Anjeza Bellanicës, e cila humbi jetën në aksidentin tragjik në Kroaci, raporton Gazeta Sinjali.

Anjeza ishte nisur nga Frankfurti për në Kosovë bashkë me 66 mërgimtarë të tjerë, kur autobusi me të cilin po udhëtonin humbi kontrollin dhe u rrokullis jashtë rrugës në Slavonski Brod të Kroacisë, mëngjesin e të dielës.

Ajo nuk kishte arritur t’i mbijetonte kësaj tragjedie, mirëpo familjarët e saj nuk ishin në dijeni dhe për orë të tëra e kërkuan atë në spital, me shpresën se është gjallë./Gazeta Sinjali/