Mbretëresha po feston ditëlindjen e saj të parë në dekada, pa burrin e saj, Princin Philip.

Këtë vit, 95-vjetori i lindjes së Mbretëreshës Elizabeta do të jetë një rast i heshtur pas vdekjes së burrit të saj prej 73 vitesh, Princit Philip, shkruan People.

Ditëlindja e shënuar e mbretëreshës të mërkurën nuk do të festohet si zakonisht – ndërsa mbretëresha dhe anëtarët e tjerë të familjes shpesh shënojnë ditëlindjet e tyre duke ndarë portrete të reja me publikun, nuk do të ketë një foto të lëshuar këtë vit.

Kjo do të jetë ditëlindja e parë e Mbretëreshës Elizabeta pas vdekjes së burrit të saj, i cili u varros në Shën George’s Chapel në Kalanë Windsor të shtunën. Ai vdiq më 9 prill në moshën 99 vjeç, vetëm dy muaj larg 100 vjetorit të lindjes.

Mbretëresha është e rrethuar nga stafi i saj besnik dhe tre qentë e saj (me të cilët ajo është parë në Kopshtet Frogmore gjatë javës së kaluar) në Windsor Castle dhe anëtarët e familjes me gjasë do të vizitojnë monarken në ditët në vijim./Gazeta Sinjali/