Ministria e Mbrojtjes e Mbretërisë së Bashkuar në një deklaratë të bërë së fundmi thekson se deri më tani edhe pse mundësia më e madhe është që lideri i grupit Wagner të ketë humbur jetën, nuk ka asnjë provë që e verteton përfundimisht këtë.
Në përditësimin e saj të përditshëm të inteligjencës, ministria tha gjithashtu se vdekja e tij do të kishte një “efekt thellësisht destabilizues” për grupin Wagner.
“Dy muaj pas rebelimit të Wagner Group, një avion biznesi Embraer i lidhur me Wagner u rrëzua pranë Tverit, midis Moskës dhe Shën Petersburgut. Autoritetet ruse pretendojnë se 10 persona në bord kanë vdekur, përfshirë pronarin e Wagner, Yevgeny Prigozhin. Nuk ka ende prova përfundimtare që Prigozhin ishte në bord dhe dihet se ai ushtronte masa të jashtëzakonshme sigurie. Megjithatë, ka shumë të ngjarë që ai të jetë me të vërtetë i vdekur. Vdekja e Prigozhin pothuajse me siguri do të kishte një efekt thellësisht destabilizues në Grupin Wagner. Atributet e tij personale të hiper-aktivitetit, guximit të jashtëzakonshëm, dëshirës për rezultate dhe brutalitetit ekstrem e përshkuan Wagnerin dhe nuk ka gjasa të krahasohen nga ndonjë pasardhës”, thuhet në deklaratë.
Ndër të tjera ministria britanike thekson se vakuumi i lidershipit të Wagner do të komplikohej nga raportet se themeluesi dhe komandanti në terren Dimitry Utkin dhe shefi i logjistikës Valery Chekalov gjithashtu vdiqën.
