image MASHT-i nuk ka ende një plan si t'i kompensojë orët e humbura, nuk përjashtohet mësimi 'online' - Sinjali

Arsim/ MASHT-i nuk ka ende një plan si t’i kompensojë orët e humbura, nuk përjashtohet mësimi ‘online’

news image

Një ditë pas pezullimit të procesit mësimor në Kosovë, Ministria e Arsimit, Shkencës, Teknologjisë dhe Inovacionit nuk ka një plan konkret për vazhdimin e mësimit në forma të tjera alternative.

Bajrami ka deklaruar se presin që deri javën e ardhshme të hartojnë një plan për veprimet që do t’i ndërmarrin.

Ministria do të angazhojë ekspertë të cilët brenda pak ditësh do të vendosin nëse do ta marrin për bazë modelin e Shqipërisë për mësim “online” nga shtëpia, apo të gjejnë forma të tjera, ka thënë Bajrami.

Ajo i ka porositur prindërit që gjatë kohës sa procesi mësimor është i pezulluar të luajnë rolin e mësuesit për fëmijët të tyre, raporton KTV.

Njohësi i çështjeve të arsimit, Dukagjin Pupovci, thotë se MASHTI nuk do të duhej të humbte kohë, por shumë shpejt të shpalosë ide për vazhdimin e procesit mësimor.

Sipas tij, mësimi online nga shtëpia nuk është shumë produktiv, por në rrethana të tilla mund të jetë një nga opsionet.

Me vendimin për pezullim të procesit mësimor, Qeveria ka paraparë që njëri prind të lirohet nga puna. Kjo masë nuk do të vlejë për punëtorët shëndetësorë dhe për punëtorët në sektorin e sigurisë./Gazeta Sinjali/


Shpërndaje artikullin

Etiketat kryesore: