Deputeti i Partisë Demokratike të Kosovës, Bekim Haxhiu, përmes një postimi në Facebook, ka thënë se afër 11 milionë euro do të kushtoj blerja e librave sipas vendimit te Arbërie Nagavcit.
Tutje Haxhiu thotë se bazuar nga të dhënat e ASK-së dhe Ministrisë së Arsimit, Shkencës, Teknologjisë dhe Inovacionit, rezulton se numri i nxënësve në arsimin fillor dhe të mesëm të ulët është 217.977 nxënës.
Deputeti Haxhiu thotë se gjithësej 10,915,260€ do t’i kushtoj Buxhetit të Kosovës blerja e librave me vendimin dhe metodologjinë e përcaktuar nga Ministria e Arsimit.
“Këto shpenzime janë si pasojë e dështimit të MASHT të sigurojë blerjen e librave me 4.8milon euro”, ka shkruar Haxhiu.
Haxhiu ka publikuar edhe llogaritjen e shpenzimeve sipas klasave bazuar në kalkulimin e të dhënave të publikuara dhe vendimit të MASHT që për klasa 1-5 të paguhen 80€ për nxënës, ndërsa për klasat 6-9 të paguhen 30€ për nxënës.
1.Në klasën e parë janë 24.240 nxënës x 80€ = 1,939,200€
2.Në klasën e dytë janë 24.151 nxënës x 80€ = 1,932,080€
3.Në klasën e tretë janë 24,040 nxënës x 80€ = 1,923,200€
4.Në klasën e katërt janë 25.144 nxënës x 80€ = 2,011,520€
5.Në klasën e pestë janë 24,524 nxënës x 80€ = 1,961,920€
Për nxënësit nga klasa e parë deri në të pestën do të shpenzohen 8,029,040€
6. Në klasën e gjashtë janë 23.877 nxënës x 30€ = 716,310€
7. Në klasën e shtatë janë 24.026 nxënës x 30€ = 730,780€
8. Në klasën e tetë janë 24.154 nxënës x 30€ = 724,620€
9. Në klasën e nëntë janë 23.817 nxënës x 30€ = 714,510€ .
