Presidenti i Francës, Emmanuel Macron sot bisedoi në telefon me presidentin rus, Vladimir Putin. Se çka u bisedua gjatë kësaj telefonate, flet këshilltari presidencial francez.
Ai tha se Macroni i tha Putinit që po e bën një ‘gabim të madh’ dhe se lufta në Ukrainë do t’i kushtojë shtrenjtë Rusisë.
“Nuk kishte asgjë në atë që tha Presidenti Putin që mund të na qetësonte”, tha këshilltari presidencial francez.
“Ti po gënjen veten”, i tha Macroni, Putinit, tha zyrtari. “Do t’i kushtojë shtrenjtë vendit tuaj, vendi juaj do të përfundojë i izoluar, i dobësuar dhe nën sanksione për një kohë shumë të gjatë”.
