Presidenti francez, Emmanuel Macron ka zhvilluar sot një bisedë telefonike me presidentin rus, Vladimir Putin. Kryetema e kësaj telefonate ishte kryetema e javës së fundit – pushtimi rus i Ukrainës.
Pas kësaj telefonate është deklaruar vetë presidenti Macron, i cili tha se Putini po refuzon t’i ndalë sulmet ndaj shtetit të Ukrainës.
“Kam folur me presidentin Putin këtë mëngjes. Ai refuzon të ndalojë sulmet e tij ndaj Ukrainës në këtë pikë”, shkroi Macron në Twitter. “Është jetike të ruhet dialogu për të shmangur tragjedinë njerëzore.”
I spoke to President Putin this morning. He refuses to stop his attacks on Ukraine at this point. It is vital to maintain dialogue to avoid human tragedy. I will continue my efforts and contacts. We must avoid the worst.
— Emmanuel Macron (@EmmanuelMacron) March 3, 2022
Në një postim tjetër në Twitter, Macron vazhdoi: “Mbajtja e dialogut për të mbrojtur njerëzit, marrja e masave që do të shmangin tragjedinë njerëzore, duke i dhënë fund kësaj lufte: ky është qëllimi i angazhimit tim përkrah Presidentit Zelensky dhe komunitetit ndërkombëtar. Unë jam dhe do të mbetem plotësisht i vendosur”.
Maintaining dialogue to protect the people, obtaining measures that will avoid human tragedy, putting an end to this war: this is the purpose of my commitment alongside President Zelensky and the international community. I am and will remain fully determined.
— Emmanuel Macron (@EmmanuelMacron) March 3, 2022
