Alexander Lukashenko, Presidenti i Bjellorusisë, aleat shumë i afërt i Vladimir Putinit, akuzoi Perëndimin se detyruan Ukrainën të futet në luftë me Rusinë.
“Në prag të konfliktit midis Ukrainës dhe Rusisë, unë bëra të gjitha përpjekjet që të mos kishte luftë. Madje, isha gati të mbyllja kufirin Donbass-Rusi me ushtrinë e Bjellorusisë dhe të ndihmoja Kievit dhe Moska ishte dakord, por Ukraina refuzoi. Pse? Sepse perëndimi i shtyu ata në luftë”, tha Lukashenko në një intervistë për TBS, shkruan a2cnn.
Alexander Lukashenko është mbështetësi kryesor i agresionit rus në Ukrainë, madje ai lejoi që forcat ruse të futen në Ukrainë nga territori bjellorus.
