Presidenti i Bjellorusisë, Alexander Lukashenko dhe kancelarja në detyrë e Gjermanisë, Angela Merkel, janë pajtuar që të fillojnë negociatat në nivel evropian për të zgjidhur krizën e vazhdueshme në kufirin e tyre të përbashkët.

Zyra e Lukashenkos tha se të dy udhëheqësit ranë dakord se problemi duhet të ngrihet në nivelin e BE-së dhe se zyrtarët e emëruar nga secila palë duhet të fillojnë menjëherë negociatat.

Kjo vjen një ditë pasi blloku tha se do të godiste Bjellorusinë me një grup të ri sanksionesh për krizën.

BE-ja akuzon autoritetet bjelloruse për orkestrimin e krizës në kufi, duke joshur njerëz nga Lindja e Mesme dhe vendet afrikane në Minsk dhe duke premtuar se ata do të jenë në gjendje të kalojnë kufijtë me Poloninë, Lituaninë dhe Letoninë.

Polonia pretendon se mbi 15 mijë emigrantë janë dërguar së fundmi në Minsk dhe janë dërguar në kufirin e vendit.

Tre vendet fqinje të BE-së që janë në kufi me Bjellorusinë, kanë shpallur gjendje të jashtëzakonshme në kufijtë e tyre për shkak të fluksit.

Situata është përkeqësuar javët e fundit me Bjellorusinë dhe Poloninë të akuzuar për bartje të paligjshme dhe grupe migrantësh të ngecur mes dy vendeve dhe që flenë në temperatura nën zero.

Të paktën 10 persona kanë vdekur në kufi që nga fundi i verës.

Lukashenko dhe Merkel diskutuan krizën gjatë një bisede telefonike 50-minutëshe të hënën. Në Minsk kanë thënë se “mënyrat dhe perspektivat për zgjidhjen e problemit të emigrantëve u diskutuan gjerësisht për të parandaluar përshkallëzimin e situatës në kufi”.

Një aspekt tjetër i rëndësishëm për të cilin biseduan presidenti bjellorus dhe kancelarja në detyrë e Gjermanisë ishte mbështetja humanitare për refugjatët përmes ofrimit të ndihmës humanitare për ta./Gazeta Sinjali/