Një rast i dhunës në familje është denoncuar sot rreth orës 12:10 në fshatin Dumnicë e Poshtme në Podujevë.
Një grua e ka raportuar në Policinë e Kosovës bashkëshortin e saj (emër i njohur për redaksinë), i cili sipas saj, pas një mosmarrëveshjeje e kishte kanosur dhe kishte kërkuar që ajo të dilte nga shtëpia, raporton Gazeta Sinjali.
Burimet e Gazetës Sinjali brenda Prokurorisë bëjnë të ditur se çifti, i cili bashkë kanë edhe tre fëmijë, janë dërguar në stacion policor, ku është intervistuar në prezencë të Qendrës për Punë Sociale viktima, e cila ka kërkuar strehim.
Të njëjtat burime njoftojnë se pas intervistimit të të dyshuarit është kontaktuar prokurori i shtetit, me urdhër të të cilit ai është liruar të përkujdeset për fëmijët nën moshën 14-vjeçare.
