Këngëtarja e njohur shqiptare dhe reperi Lyrical Son kanë publikuar bashkëpunimin e tyre më të ri.

Pas suksesit me këngën ‘Hot Shorts’, ata sot publikuan këngën ‘Llafe llafe’, e cila është ritmike e zhanrit pop.

Vija melodike është realizuar nga vet Dafina, gjersa tekstin e kanë shkruar reperët Lyrical Son dhe Elinel.

Kënga është vizualizuar edhe me një klip mjaft veror, xhirimet e të cilit janë kryer në bregdetin shqiptar.

Dafina përndryshe ka qenë mjaft aktive këtë verë me projekte të shumta muzikore si bashkëpunimi “Pa ty” me Cricket dhe Endrit Mumajesin, si dhe solo këngët “Japa” dhe “Happy Birthday”.

Ndërkohë edhe Lyrical Son, krahas këtij bashkëpunimi të ri me Dafinën, javë më parë ka publikuar edhe një bashkëpunim tjetër me mikun e tij, MC Kresha, të titulluar “Dilëm jashtë”. /GazetaSinjali/