Lista Serbe ka paralajmëruar tubim për sot në ora 15:00 në pjesën veriore të Mitrovicës. Kështu është bërë e ditur në një fjalim të jashtëzakonshëm të kësaj partie, pas takimit që kanë pasur të martën në Beograd me presidentin e Serbisë, Aleksandar Vuçiq.
Në tubim do të marrin pjesë “të gjitha gratë dhe nënat” serbe që jetojnë në Kosovë. Protesta është paralajmëruar edhe në të gjitha institucionet.
Kryetari i Listës Serbe, Goran Rakiq, në një konferencë për media në Mitrovicë tha se Prishtina, përkatësisht Albin Kurti, është e vetmja përgjegjëse për dështimin e negociatave në Bruksel.
Ai ka paralajmëruar protesta në të gjitha institucionet, pa specifikuar se kur do të nisin.
