Kreu i Nismës Socialdemokrate, Fatmir Limaj ka thënë se prej ditës së shtunë, posa të votohet qeveria e re, kryeministri i ri, Avdullah Hoti mund të marrë vendime.

“Në momentin kur qeveria votohet nga parlamenti ajo hyn në fuqi menjëherë. Nuk mundemi as shumica as pakica me bë veprim pa vendim gjykate. Nëse votohet ajo është qeveri. Nga e shtuna mund të marrë vendime zoti Hoti, posa të votohet qeveria e ri. Nga ai moment qeveri tjetër nuk ka”, ka thënë Limaj.

Tutje ai tha se qeveria e re do të zbus urrejtjen politike qe sipas tij u krijua gjatë qeverisjes aktuale. Limaj tha se detyra e parë e qeverisë së re është ta shërojë këtë klimë.

“Fryma ekipore varet nga kryeministrti, zoti Hoti. Së pari na duhet një qeveri e kryeministër që e zbut këtë urrejte, këtë përplasje virtuale të cilat kanë shku duke e rënduar situatën. Në një atmosferë të tillë është vështirë të punohet. Detyra e parë e qeverisë është ta shërojë këtë klimë. U bë modë përjashtimi, sulmi i vazhdueshëm, diferencimi, gjuha e pakontrolluar, shpijfe, mashtrime, sharje”, ka thënë Limaj në Klan Kosova./Gazeta Sinjali/