Gjatë një proteste në mbështetje të palestinezëve në Liban, zëvendësshefi i Hezbollahut, Naim Qassem tha se grupi është i përgatitur të përfshihet në konflikt, pavarësisht thirrjeve nga vendet arabe dhe të tjerët që të mos e bëjnë këtë.
“Thirrjet nga prapaskenat me ne nga fuqitë e mëdha, vendet arabe, të dërguarit e Kombeve të Bashkuara, duke na kërkuar në mënyrë të drejtpërdrejtë dhe të tërthortë që të mos ndërhyjmë në betejë, nuk do të kenë asnjë efekt”, tha ai.
Qassem tha se Hezbollahu do të kontribuojë në luftë, raporton NBC news.
“Ne si Hezbollah kontribuojmë në konfrontim dhe do të kontribuojmë në të brenda vizionit dhe planit tonë”, tha ai.
“Ne ndjekim lëvizjet e armikut dhe jemi plotësisht të gatshëm. Kur të vijë koha për ndonjë veprim, ne do ta kryejmë atë”, shtoi Qassem.
