image LDK thërret konferencë për media - Sinjali

LDK thërret konferencë për media

news image

Lidhja Demokratike e Kosovës ka thirrur konferencë për media sot në orën 16:00.

Kjo konferencë vije pas vendimit të Panelit Zgjedhor për Ankesa dhe Parashtresa (PZAP) për anulimin e votave me postë në garën e balotazhit për kryetar të Komunës së Dragashit.

Të dashur qytetarë, sot, PZAP mori vendim skandaloz e të paprecedentë në sistemin zgjedhor të Kosovës. Anulojë të gjitha votat e mërgatës – të gjitha pa përjashtim – në rastin e Dragashit. Me këtë vendim, si asnjëherë më parë, duke i anuluar në bllok votat e njerëzve tanë, PZAP tenton të ndryshojë vullnetin qytetar”, thuhej në reagim.

Më tej, LDK ka thënë se do të ankohet në Gjykatën Supreme për vendimin e PZAP-it.

“Mbi të gjitha, në këtë transformim të vullnetit qytetar, PZAP nuk ka marrë as mundin e as përpjekjen për t’i kontaktuar qytetarët tanë në mërgatë. LDK do të ankohet në Supreme e në rast të nevojës dhe në Kushtetuese. Betejat politike të fituara me votë s’mund të transferohen në tavolinë. Duam të besojmë se Supremja do të korrigjoj këtë skandal të ri në vend”.

/GazetaSinjali/


Shpërndaje artikullin