image Larg Rusisë së Putinit, njerëzit e Taxhikistanit ndjejnë dhimbje sanksionesh
[wp-story id="814678"]

Botë

Larg Rusisë së Putinit, njerëzit e Taxhikistanit ndjejnë dhimbje sanksionesh

news image

Larg Rusisë së Putinit, njerëzit e Taxhikistanit ndjejnë dhimbje sanksionesh.

Remitancat në republikën e Azisë Qendrore janë ulur në vlerë mes sanksioneve që synojnë të godasin Rusinë për luftën në Ukrainë.

Malika Abdilloyeva, një ndihmëse shtëpiake në Moskë, dërgon 10,000-20,000 rubla ruse (94-188 dollarë) në shtëpi në Taxhikistan për të mbështetur dy djemtë e saj adoleshentë, të cilët jetojnë me motrën e saj në kryeqytetin Dushanbe.

Deri kohët e fundit, remitancat mujore të Abdilloyevës kapnin vlerën e 1,500-3,000 somoni taxhikistani (132-265 dollarë). Por që nga rënia e vlerës së rublës pas pushtimit rus të Ukrainës, familja e nënës 43-vjeçare ka marrë vetëm rreth dy të tretat e shumës së zakonshme.

Abdilloyeva, e cila fiton rreth 35,000 rubla (329 dollarë) në muaj, nuk sheh zgjidhje tjetër veçse të marrë një punë shtesë për të mbështetur familjen e saj në ish-republikën sovjetike, një vend me 9.5 milionë banorë që ndan kufijtë me Afganistanin, Uzbekistanin, Kirgistanin dhe Kinën.

Do të më duhet të gjej një punë tjetër me kohë të pjesshme, sepse paratë që dërgoj në shtëpi nuk janë më të mjaftueshme për fëmijët e mi adoleshent në rritje”, tha Abdilloeva për Al Jazeera.

Sanksionet e udhëhequra nga perëndimi, që synojnë të ndëshkojnë Rusinë për pushtimin e saj në Ukrainë, po dëmtojnë jetesën në Taxhikistan, ku remitancat nga Rusia përbëjnë më shumë se një të katërtën e prodhimit të brendshëm bruto (PBB).

Për momentin do të kursej para për të gjitha gjërat thelbësore, duke shpresuar që punëdhënësit e mi do të kenë mëshirë për situatën time dhe do të më ndihmojnë“, tha ajo.

Shumë punëtorë të tjerë emigrantë taxhikë në Rusi kanë humbur punën e tyre që kur Presidenti rus Vladimir Putin urdhëroi një “operacion special ushtarak” kundër Ukrainës, duke pretenduar nevojën për të “denazifikuar” vendin dhe mbrojtjen e njerëzve nga “bullizmi dhe gjenocidi”.

/GazetaSinjali/